يا جدعان أنا جبتلكم تورتة أهوه و اللى عاوز كنافة يدخل على موقع كنافة دوت كوم و ينقى الكنافة اللى عاوزها هى غالية شوية بس مش خسارة فيا
و الله لقيت موقع للكنافة أول مرة ألاقى موقع عن الكنافة على النت
على العموم منتظر هداياكم و مش هاطفى الشمع غير لما تيجوا كلكم
حاولت أحطلكم أغنية بس بصراحة معرفتش لوحد يعرف يبقى يقوللى
طول عمرى أحتفل بعيد ميلادى براحتى لغاية الصبح لأن لحظى السعيد الدولة عاملة يوم ستة أكتوبرأجازة
و تشرفت بزيارتكم
و شكراً
34 comments:
فين الهدايا؟
كل سنة وإنت بخير وعقبال المية وأكثر ويارب تعيش العمر كلو في سعادة وهنا
والهدايا علينا بس تكون التورتة والتحلاية ((محرزة)) يعني كبيرة وتستاهل
ويلا نغني لأحمد سنة حلوة يا جميل
كل سنة وإنت بخير وعقبال المية
feen el la7ma we el diok el romi we el gatouh?
كل سنة وا نت طيبة وهديتك عندى يا كابتن
لما احب ابعت لك ازاى تحمل اغنية
ابعتها فييييييييييييييييييين ؟؟؟
كل سنة وانت طيب وبخير
وعيد ميلاد سعيد
ابنى من يوم ما اتولد وهو سبوعه واعياد ميلاده فى رمضان
وكنت باحطله شمع فى البسبوسة
لان مفيش تورتات متوافرة
بس الحمد لله السنة دى عدى
الا صحيح
هو انت اللى كنت بتبوس الدبلة بعد كل ماتش؟
تحياتي وشرفت بدعوتك ليا للمشاركة في الاحتفال بعيدميلادك ، وجايب ليك احلى كنافة سيامي بالموز ـ بس مش عشان هي أغلى الأنواع ، لأ عشان هي أحلى الأنواع ، مش دايماالغالي حلو ..ودي مش هدية، دي مشاركة بس في تكاليف السهرة الحلوةعشان يكون فيها احلى بوفية بكل الحبايب .. وأدعيلك بطول العمر والصحة ، وبوكية الورد اللي يسعد عشان تبقى الزينة والفرحة بدليل ...
والهدية لما اعرف انت خاطب ولا متجوز ولا عازب لسه،وميولك وهواياتك ، يعني اعرف يعني انا ممكن اقدم ايه ..انت الغلطان انت كنت مفروض تعمل قائمة بأمنياتك وكل واحد يختار هو يقدم لك ايه على قدر امكانياته ، او يعني ممكن ممجموعه تشترك في هدية اكبر ليك والتكاليف تتقسم .. بس بصراحة انا مش عارف اجيب ايه .. لكن عموماً انت ليك عندي بلانش بمبلغ معين ( مش ها قوله لا تقول عليا بخيل )، تقولي طلبك ، وانا تحت الخصم والزيادة .. وربنا يجعل اليوم ذكرته حلوة دايما بالفرحة والسعادة والرضا.
Happy Birthday from me and my son K.
My sister's birthday was yesterday, and unfortunately I could not be at her party. But I talked to her over the phone and sent her an e-mail. At times like these I wish I was in Egypt.
Enough about me and my sister , today is your day! The cake looks delicious! The konafas on the .com look OK but I guess they must taste great , after all they are "full of passion, love, talent and affection"!
Our gift to you is a visit to the Art Institute of Chicago at
http://www.artic.edu/aic/collections/prints/highlights.php?page=6
We hope you have a good time looking at the drawings.
We wish you happiness, the one that comes when you find your purpose in life and fulfil it.
Let the Party begin! :))
مرورا بأبو الفصاد عبر انزل يا جميل في الساحة لحد " كل ما تكبر تحلى " لكاظم الساهر
كل سنة وانت طيب وبخير
لما سالت فين الهدايا وبمناسبة موقع الكنافه اللي انت عزمنا عليه
اذكرك بمحمد صبحي لما قاله - هوه فين الضابط - قاله
يعني هوه فين التعبان-
كل سنة وانت بخير ومدون
كل سنه وانت طيب ياجميل
بس حرام عليك تجري ريقنا علي الصبح واحنا صايمين
اموت انا في الحلويات خصوصا الكنافه
علي فكره برج الميزان ده برج جميل أصحابه بيحبوا الحياه
كل سنة وانت طيب يا احمد
عقبال السنة الجيه تبقى احلى م اللى فاتت يارب
كل سنة وانت طيب يا جميل
حلو موضوع 6 اكتوبر يبقي اجازة وتسهر براحتك انا كل سنين الجامعة عيد ميلادي في الامتحانات :)
المهم
علشان الاغنية.. الكود مش هيظهر هنا في الكومينت مش عارفة اوصلة لك ازاي
هدايا اية بس وبتاع اية.. المهم صحتك
:)
كل سنة وانت طيب يا أحمد باشا
كنت تقول لي بدري شوية يا راجل كنت رسمتلك تورتة أحلى من اللي في الصورة :)
انا جييييييييييت
كل سنة وانت طيب يا احمد
واكتوبر مجيد يا ريس
دخلت التاريخ باليوم اللى مالوش ملامح بتاع ستة امتوبر دة
فين الكنافة؟؟؟
الجاتوة والتورتة بيعملوا لى تسمم
مشيها معايا كنافة وصوابع زينب
وبسبوسة
والمشاريب بقااا
ولا يهمك هات كله
وانا عليا الشاليموووه
هدية منى ليك
وعقبال تسعة وتسعين سنة يا باشا
كفاية كدة تسعة وتسعين
المية كتير
كل سنه وانت طيب يا احمد وعقبال الف سنه وانا كمان من مواليد شهر اكتوبر بس 22 اكتوبر وعلى فكره يا احمد الشهر ده اصحابه قلبهم رقيق جدا وبيتميزو على الرغم من الطيبه والرقه انهم على درجه كبيره من العصبيه وكمان خطهم فى الكتابه وحش منعكش وعلى العموم كل العظماء كان خطهم وحش وكل العظماء كمان او 80 فى الميه منهم كانو من مواليد شهر اكتوبر وكمان حاجه تانيه لما بيحبو بيحبو بجد وبجنون ويارب اكون صح على العموم كل سنه ولنت طيب يا احمد يا صديقى وشكرا على دعوتى لعيد ميلادك
كل سنة وانت طيب ومنور البلوجات كلها.
كل سنة و انت طيب
همممم تحب تجيبلك هدية ايه؟؟
يا نهار ابيض انا جيت متاخر زي كل مره
المهم يا باشا كل سنه وانت طيب وعقبال 100 سنه والسنه الجايه تكون في احسن حال وياتري شلتللي نصيبي والا لا؟
انا بحب الجلاش موت
كل سنة وانت طيب
بس انا مابحبش الكنافة
اعزمنا علي اي حاجة من اسكندرية
حتي لو تمشية علي الكورنيش
كل سنه وانت طيب
وعقبال ميت سنه
مدونه حلوه قوى
حبايبى شكراً على تشريفكم ليا فى حفلة عيد ميلادى
و تحياتى للناس اللى علقت فى البوست اللى فات لما يوست عيد الميلاد كان مش شغال
كلبوزتى السمباتيك
حلوة أوى أغنية يلا حالا حالا هنوا أبوحميد جديدة و متشكرين على الفانلات اللى بكم و السويتشيرت الازرق لأنى بحب اللون ده أوى و كمان شراب بصوابع بس طلع مش على مقاسى
و على فكرة أنا حاسبت على الهدايا
مزاجنجى
فرحت أوى أنك بعتلى تهنئة مشكور عليها و متشكرين على ثقتك الغالية فى الاسكندرانية و أنا عمال بحسب كويس هاعمل أيه الفترة الجاية فى حياتى
الســـــــــــــاحر
و أنت طيب و الله أول ماقريت أسمك قلت أكيد هاتيجى تعمل فقرة فى عيد الميلاد بس طلعت ساحر كلمات متشكرين ياعمنا و أتشرفنا
Ayhm
حبيبى اللى ماكنتش فاهم أسمه و ربنا يخليه فهمهولى
و ياعم بلاش المية بعيدة أوى و بعدين هاكون عجزت أوى
و أنا هابقى أجيبلك تورتة ليك لوحدك علشان تاكلها
Nohaz
لحمة و ديوك رومى و جاتوه ده كفاية أنى جبت تورتة أنتوا فاكرين نفسكم جايين عيد ميلاد الوليد بن طلال بتاع روتانا
Shaimaa
و انتى طيبة يا شيمو
و لو عاوزة تكتبى حكاية الاغنية دى أكتبيها فى الكومنت و أنا هاعمل اللى عليا و لو مفهمتش أبقى أنا اللى حمار
حلـــــم
أنا طول عمرى بحتفل بعيد ميلادى فى المدرسة مع طابور الصبح لأنى مولود الساعة سبعة الصبح
ربنا يخلى أبنك
و على فكرة مش أنا اللى ببوس الدبلة لأنى مش لابس دبلة أساساً
و كمان و أنتى طيبة
مصر أكتب أليكى رسائلى
بوكيه الورد كان تحفة يجنن عجبنى أوى و متشكرين على الكنافة للمشاركة فى السهرة بس العيال أكلوها كلها ماسبوليش حتة
و على فكرة أنا عازب و مبفكرش فى الارتباط قريب لسه بعيد شوية و بعدين قائمة أمنيات أيه اللى هاكتبها
كان زمان كل واحد دخل ضحك عليا و مشى أنت عاوزهم يضحكوا عليا
و متشكرين ياباشا على الهدايا و الاكل و مرورك الكريم
Hope
عزيزتى أزيك عاملة أيه؟ فرحت أوى لما عرفت أن أختك عيدميلادها قبلى بيوم كده تفضلى فكرة عيد ميلادى على طول
اللوحات جميلة للغاية فى حاجات تحفة بس لو عندك موقع لرسوم و تماثيل دافنشى و مايكل أنجلو يبقى كتر خيرك
كراكيب
كالعادة كركبتى الأغانى كلها فوق بعض و لخصتى الموقف فى سطرين
و وفرتى الكلام
و أنتى طيبة ياستى
مكسوفــة
ده أحنا أتشرفنا أن مكسوفة هانم جت تحضر عيد ميلادى ربنا يخليكى للتدوين دايماً
أنا بعشق أنى من اليزان و على فكرة الحفلة كانت بعد الفطار أنتى اللى جيتى بدرى و شوفتى البوفيه
Mai
و النبى محتاج الدعوة دى أوى أن اللى جاية تبقى أحلى من اللى فاتت
لغاية النهاردة هى لسه أحلى من اللى فاتت مين عارف بكره مخبى أيه ؟
Saso
ماشى على موضوع الصحة ماكنتش أعرف أنك بخيلة أوى كده
و مش مشكلة أبقى أكتبيها فى المدونة بتاعتك طريقة وضع الاغنية ماشى ؟
و أنشاء الله نجيلك فى الترم بتاعك قصدى عيد ميلادك بس أوعى توقفى علينا مراقبين فى اللجنة قصدى الحفلة
د/أشرف حمدى
لا ياعم كفاية أنك جيت أنت عاوزنى أحطلهم تورتة و مرسومة كمان دول ياكلونى أنا شخصياً
و بلاش أحسن غلبان أفندى بتاعك يجى الحفلة و يفقرنا معاه
شهـــروزة
نورتى البلوج
و أيه حكاية أكتوبر مجيد دى هو أنا عامل ملحمة هنا ده عيد ميلادى و الفايدة الوحيدة اللى قدمهالى أنتصار أكتوبر أنه خلوه يوم أجازة
أنا برضه من رأيك الميه كتير خلينا تسعة و تسعين أحسن
الواحد اللى من الناس
تقدر تقول أن كل اللى أنت قلته موجود بس أنا مش عصبى بس لما بغضب مبعرفش بعمل أيه ؟
و بلاش ألف سنة للأسباب المذكورة أعلاه
د/ميشيل حنا
و أنت طيب ياباشا و ده نورك برضه
و تحياتى لمستنقعات الفحم
Epitaph
هدية أيه كفاية الزيارة
ربنا يخليكوا ليا
أ/محمدمفيد
المعازيم أكلوا الحاجة معلش أجبلك غيرها أنشاء الله بس أنت اللى جيت متأخر مش كنت تتصل طيب قبل مايخلصوا الأكل
Sabrina
تعالى أنتى بس و أنا أمشيكى للصبح بس أوعى تتعبى
أسمك جميل أوى أنا بحب فيلم بنفس الأسم و أنا كمان بحب فيلم
The Saint
زيك بالضبط ده حتى صورتى على البلوج هى لوجو الفيلم
بس أنا بحبه روايات قبل مايكون فيلم و كمان مسلسل
أتشرفت بالزيارة
وينكــــى
لكاكة طحن مدونتك جميلة بس كتيرة و كبيرة قوى كلها كلام و عجبتنى طريقة النسكافيهات و عملت منهم واحدة و باظت الحمدلله
و متشكرين على رأيك فى المدونة و الزيارة
أوعى تزعلى من لكاكة بس بجد لذيذة
شكراً للجميع و كل سنة و انتوا طيبين
شرفتونى بالزيارة و المرور و التهنئة
و رمضانكم كريم
كل سنة وانت طيب يا أحمد
عقبال 100 سنة
يا بختك يا عم تحتفل بالليل وتصبح تاني يوم أجازة
:)
من ساعة ما لبست الشراب ابو صوابع و انت مختفي ليه؟
شكله طلع واسع عليك و تهت فيه
اطلع من الشراب يا احمد في ناس عايزينك
kol sana wenta tyeb ya ahmmed
kol sana we enta tyb
kol sana we enta tyb
7ttet el tortaa
bta3ty shocolata lw sma7t
we hdyetak ahyyyh
asfa 3la eltaa7yr
el net 3ndy bayez
ana fe net cafe w allhy
كل سنه وانت طيب
وعبال مليون سنه كده
وان ابقا اجبلك الهديه
لو عشانا
وكل سنه وانت طيب
Happy belated Birthday :-)
just saw the invitation now
كل سنة وانت طيب
كل سنة وانت طيب...
شكرا على الزيارة وكلماتك الرقيقة
تحياتى
ههههههههه
طويب
الباشا بتاع أخر الحارة
قل أعوذ برب الفلق
ياعم هاتحسدونا كمان على اليوم اللى الواحد جه فيه للدنيا الوحشة دى
يلا ماهى الكحكة فى أيد اليتيم عجبة
كلبوزتى
قلتلك قبل كده أن الشراب طلع ضيق و لغاية لوقتى عمالين بنشد فى الشراب علشان يطلع من رجلى
Sara
متشكرين على الاغنية اللطيفة دى
على فكرة ماحدش غنهالى السنة دى
بقالى تقريباً خمس سنين محدش بيغنيهالى
ولا يهمك من التأخير المهم أنك وصلتى
أجدع واحد فى الشارع
شرفتنى ياغالى و مستنى الهدية ؟
جوكرمان
أزيك يامان و حمدالله على السلامة
المهم أنك جيت و على فكرة فى ناس كتير من الحركة البطيئة للبريد علشان كده متقلقش من وصول الدعوة متأخرة ليك
LAMIA MAHMOUD
و أنتى بألف سلامة و خير
متشكرين على الحضور
بعدك على بالى
أخيراً ظهرتى
ده من حقى أعمل فرح مش عيد ميلاد
أنك تنازلتى و جيتى حفلى رغم أختفائك الغامض
أنتى فين ؟
آدم المصرى
أتشرفت بحضورك
أبقى تعالى تانى
احمد انت مجيتش واخدت لينك الاغنية ليه
يلا قبل ما امسح البوست
:)
كل سنة وانت بالف صحة وسلام مبروك علي التجديدات في المدونة
معلش اتاخرت عليك شويتين بس كان لازم آجي حتي لو متأخرة سامحني علي التأخير
كل سنة و انت طيب حبيبي
و السنة الجاية نحتفل سوا بعيد ميلادك
Post a Comment