Monday, November 13, 2006

الجندية شرف

مذكراتى فى منطقة التجنيد
كنت هناك فى الثامنة مساءاً لأجد العديد من الشباب و الذين قد يصلون الى ألف شاب
أنتظرت دفعى لكوبونات تصوير الاوراق
فيجب علينا دفع مبلغ ما لأخذ كوبونات لتصوير أوراقنا بالرغم من أنى قد صورتها مسبقاً ألا أنه يجب على الدفع حتى أخذ البطاقة الوردية المجانية و التى تضاف مع أوراقى التى أسلمها
و بعد أن عرفت الترتيب الصحيح لأوراقى
بدأت فى محاولة تسليمها من الساعة الثامنة و حتى الساعة العاشرة عندما سلمتها
لأجلس بلا عمل حتى الساعة الثالثة و النصف بعد الظهر منتظراً النداء لأدخل للكشف الطبى و الهيئة و ما ألى ذلك
بعيداً عن المبالغات عامة ضباط الجيش محترمين و تعاملهم محترم للغاية و لكنه صارم جداً و لا يقبل النقاش
السئ فى تعامل المجندين الاخرين من المدن الاخرى و الذين يتعاملون معنا كأننا حثالة
بعضهم محترم و بعضهم لا
و لأن منطقة الكشف بعيدة عن العمران السكنى و تكاد تكون فى الصحراء
فهى منطقة مثلجة الهواء
و كان على البقاء عارياً ألا من شورت قصير لمدة نصف ساعة
حتى تجمدت أطرافى و أنا أقف على أرض سيراميكية و خلف شبابيك قاعة الكشف المفتوحة على مصراعيها
على العموم بعد دخولى بساعتين
أى الساعة الخامسة و النصف أستلمت بطاقة ترشيحى كجندى أو عسكرى كما يقال
الحمد لله
و تحياتى للجندية
و تحياتى ألى
مصر

8 comments:

sara... said...

حلوة اوى المذكرات دى على فكرة فعلا يعنى
كويس انك دخلت الجيش وربنا معاك فى انتظار باقي المذكرات

jokerman said...

good luck

مـحـمـد مـفـيـد said...

رائع يا احمد تلك السطور وربنا ربنا معاك ويعينك
وفي انتظار جديدك

كراكيب نـهـى مـحمود said...

هيه هيه
حلو اوي تحكيلنا عنتجربة زي دي بالنسبة لكراكيب مختلفه معنديش جيش وكده
تحياتي ليك وتمنياتي بفترة جندية طيبة

saso said...

ربنا معاك يا احمد والايام دي تعدي وماتبقاش تقيلة عليك
:)

MAKSOFA said...

ياحبيبي ياأبني ربنا معاك
شوف رغم كل اللي بيتقال عن الجيش الا انها ستكون تجربه مفيده لك باذن الله

أحمــــــــدبــــــــــلال said...

متشكرين أوى يا جماعة على العموم أنا هاعرف سلاحى يوم 29الشهر ده
أنتظرونى لأخبركم المزيد

كلبوزة لكن سمباتيك said...

منهم لله ازاي يقلعوا الناس و يسبوهم بردانين كده
ربنا يسهل لك ايام الجيش دي و يعديها بسرعة على خير
انا عرفت من ناس كتير ان برغم قسوة ايام الجيش الا ان بيبقي فيها احلى ذكريات
ربنا معاك