بحاول أعمل لحن جديد لحياتى
مش هاغير أصحابى
بس هانتقيهم
هاشوف مين ممكن يفضل صديقى
و مين هايكون صاحب و بس
هاتعلم من النهاردة أن شاء الله أول دروسى فى القيادة
قيادة السيارات طبعاً
فكرت أشترى كام كتاب جديد
و رواية أو أتنين
هاخد بالى من كورس الفرنساوى كويس علشان أبقى كويس فى اللغة
هاروح جيم علشان أكبر جسمى شوية
يعنى محتاج حوالى سبعة كيلو أزودهم على جسمى
مش عارف
بعتبرها محاولة للتغير و الخروج من الاكتئاب
10 comments:
انا كمان محتاجة اعمل زيك
I'm happy 4 u ahmed..
go on :)
كلام جميل
ربنا يوفقك
أرق تحياتي
أرجو متابعة ما يلي
يوم الاثنين القادم هو يوم غير عادي في عالم المدونات التونسية؛ حدث هام ؛ لأول مرة في المدونات التونسية سيتم تجنيد الجميع من اجل هدف واحد؛ أمر أصبح يؤرق الجميع؛ ألا و هو الحجب المتواصل و الغير المفهوم لبعض المدونات التونسية؛ سنعبر عن رفضنا لهذا التصرف إيمانا منا بحرية التعبير و دفاعا عنها بطريقة حضارية و سلمية؛ سندخل يوم الاثنين 25ديسمبر في اضراب لمدة 24 ساعة؛ لم يتفق إلى الآن على كيفية الإضراب؛ لكن اغلب الآراء ترشح أن يتم نشر مقال ابيض؛ لا يحتوي شيئا؛ لذلك أنا أدعو كل المدونين و المدونات الى المشاركة في هذا الإضراب حتى يكون إضرابا ناجحا و ننجح بذلك في إيصال صوتنا لمن بهمه الأمر. كما قمت و بمبادرة شخصية بدعوة بعض المدونين العرب إلى الانضمام إلينا لان المشكل ليس تونسيا فقط؛ وإنما هو عربي أيضا؛ فلما لا يتحول يوم 25 ديسمبر من كل عام إلى يوم عربي لاحتجاج على الحجب الالكتروني؛ الأمر كله يتوقف على مدى استجابتكم لهذا النداء و حماسكم؛ فكونوا في الموعد
http://www.saharaclub.org/blog/
Try, you have nothing to lose except depression.
what books do you read then?
خطوة إيجابية يا أحمد متهيقلي أنك أما تعمل ده ممكن تخرج من الحالة اللي أنتة فيها بس هقولك ...طالما إنك عملت كده - في رأيي - أنتة خلاص خرجت من الحالة اللي عندك وأتمنى إن أنت تسير على المنهج ده على طول مش كام يوم يعني
ازيك يا أحمد
حلوة الخطوة ديه وحاول كمان تدور علي شغل
أما بانسبه للأصدقاء بلأش انت تختار سيب الحياه هي اللي تختار لأنك صدقني في ناس هتختارهم
وتعتبرهم
your intimate
و تفأجأ بالعكس يصبحوا مع مرور الوقت ناس عادية أو أقل كمان والعكس صحيح فخليك مع الكل لحد ماتشوف
وايه أخبار أسكندريه أكيد تحفه في الثلج ده
مهم قوى تغربل الاجنده وتتخلص من الاسماء الزياده لالانها بتعمل زحمة على الفاضى
تحياتى لك و ربنا يوفقك
ايه الحلاوة دى
ربنا معاك
وقولى الروايات الحلوة اللى بتقراها
bagabigo
ياريت و يبقى تجديد بتجديد و الحياة تخف حملها عننا شوية
Mony The Angel
متشكرين لسعادة حضرتك و ياريت ناس كتير تحاول تجدد روتين الحياة المملل ده
Shadi
أنا ضيفت نفسى عندكم
IBN BAHYA
أنا موافق على الاضراب و هانزل بوست فاضى بعنوان أضراب يوم25
JokerMan
فعلاً هحاول أجرب مافيش حاجة أخسرها
فى كتاب أسمه أعترافات زوج خائن لدكتور نبيل فاروق جبته جديد مش عارف الكتاب عبارة عن مذكرات واحد أنحل كل الانحلال الممكن فى الحياة
لم أجد عبرة ما من رواية قصته سوى تعرفى بالأنهيار الاخلاقى فى المجتمع فقط و الذى أعرفه مسبقاً
بس هادور على كتب تانية أشتريها
محمد
متشكرين ياعمنا على المساندة المعنوية دى و ألف شكر
و أنا فعلاً حاسس بتغيير و أرتياح
sabrina
أسكندرية بتبعتلك تحياتها و قبلاتها من تحت الأمطار و من خلف العواصف الهوائية الثلجية
و أنا موافق تماماً على حكاية الاصحاب دى و الشغل ربنا يسهل قريب أن شاء الله
بعدك على بالى
على طول كده غربل أصحابك علشان نوتة التليفونات
أبعتلك واحدة جديدة و بلاش غربلة
sara
ألف شكر يا سارة
عاملة أيه ؟
بصراحة أنا لسه مربوط بروايات نجيب محفوظ بحب أقرأها
و بحب ماوراء الطبيعة و سافارى سلسلتين من روايات مصرية للجيب
لدكتور أحمد خالد توفيق
هى مش طفولة بس أنا بحب أسلوبه فى الكتابة
لو عايز يزيد وزنك مش محتاج جيم
تعالى اقعد عندنا اسبوعين تزيد 10 كيلو
محشي و فتة و هبر و اهو العيد داخل و انت برضه ابن اختشي
شد حيلك عاجبني اللون الجديد ده
اهو احسن من القاعدة على البلاط برضه
:))))))))
Post a Comment