يوم الثلاثاء اللى فات أنا رحت السيما مع أصحابى المفضلينطبعاً بما أن الأفلام العربى فاشلة فدخلنا فيلم أجنبى و كان هو العميل السرى جيمس بوند
الفيلم حلو بجد حلو و عجبنى أوى بالرغم أنى مابحبش الاكشن كتير بس الفيلم عجبنى الدماغ اللى فيه و الخدعة اللى مستمرة حتى نهاية الفيلم
بصراحة أنا مابحبش أفلام الاخ جيمس بوند كلها من أول شين كونرى و حتى بيرس بروسنان
لكن المرة دى مختلفة
أولاً مافيش العربية اللى بتتحول غواصة و طيارة و بتختفى و الكلام الفاضى ده هى عربية شديدة بس واقعية مش كل الفنتازيا اللى متعودينها فى نوع أفلام جيمس بوند
ثانياً العدو المرة دى راجل أعمال غير شريف بس و حريف بوكر بس و لا فى راجل بياكل الحديد و لا اللى عاوز يسيطر على العالم و الكلام الفارغ ده
ثالثاً الواد أتبهدل فى الفيلم أول مرة أشوف كرامته بتتمرمط أوى كده جيمس بوند كان دايماً أو غالباً بالبدلة و الكرافت و أخر حلاوة كأنه رايح سهرة مش مهمة مخابراتية
حبيت طريقة تمثيله أوى دانيل كريج اللى عمل الدور و يستحق فعلاً يعمل فيلم بوند القادم
على ضمانتى روحوا الفيلم لو غاويين الافلام دى بجد حلو
14 comments:
طيب انا بقالي يمكن سنة مارحتش سينما
بس مادام عجبك هاجر اي واحده من العيال ونروح
:)
فاضل 4أيام وتعرف السلاح بتاعك..يارب تطلع حاجة سهلة
وربنا معاك
Ahmed,
I do not like Bond films, but since you say this one is different, I will go على ضمانتك
ايوة يا عم لعبه معاك فى وقت تروح سينما وتخرج
بس هو الفلم جامد كده
انا بقا هستنا لما يتسرق واجيوبة واتفرج عليه
ظريف.. اوك يا احمد ساحاول اني اشوفه
بس انا كمان بدعوك تتفرج على the fountain
ومش هقول اي تفاصيل كفاية اعلان الفيلم عن فكرته للامانة انا لسه مشوفتوش بس الفيلم شكله ابن ناس جدا
شوفه وقولي
Aymen Farouk
ياعم روح الفيلم الاول بس بعد كده لو معجبكش تعالى و أنا هاديك تمن التذاكر
بس الحكاية دى مش على كل اللى رايحين و ألا كده تخربوا بيتى
SaSo
و الله هايعجبك على الاقل مافيهوش الهجس الشهير بتاع الاخ جيمس
بتفكرينى ليه بالحكاية المنيلة دى بس
على العموم أستنى الجزء التانى من مذكراتى التجنيدية قريباً
Hope
أزيك يا أستاذة يارب يكون الواد الشقى بخير دايماً
أنا كمان مابحبش أفلام جيمس بوند زى ماقلت بس أول مرة أحس أن الفيلم مش بتاعه أساساً لدرجة أن أصحابى أصروا أن مستحيل يكون ده جيمس بوند اللى متعودين عليه
و على ضمانتى
يــــــــــاعم الجدع اللى واقف فى الشارع على طول
بطلوا حسد بقى ده الواحد شهر و هايروح الجيش تبصوا فى تذكرة السينما كمان
على العموم لو جبت نسخة من الفيلم أبقى أبعتلى و أنا لو جبتها الاول هاقولك
Mai
the fountain
معرفش عنه حاجة لأنى ماشفتش أعلانه بس هادور على النت و أشوف الاعلان على العموم قرأت الملخص عن القصة و أن فيه ثلاث قصص متوازية عن مشاعر الحياة
ده غير البحث عن شجرة الخلود
على فكرة بحب الممثل بتاع الفيلم
Hugh Jackman
بالرغم من أنى ماشفتلوش غير
sowrdfish , Xmen part1-2-3
بس كان أداائه عاجبنى فعلاً و تخيلى عاجبنى فى الرجال أكس
شكلى كده لسه بعمل زى العيال الصغيرة و بحب الافلام دى
بقولك ايه انا دايما بضرب لما بنروح فيلم انا مختاراه ...اصحابي جمهور صعب الارضاء...
على ضمانتك المرادى
ولو حصلى حاجه هخليك تدفع تمن الكشف
بتغظني يعني
انا معنديش هنا سينيمات
ماشي ماشي
خدلك يومين
بكرة تروح المعسكر
و تتفرج كل ليلة علي فيلم
في بيتنا برغوت
:)))))
بدعيلك من قلبي
عمي حمادة
و اللهي واحشني
حبيت أسلم عليك و أطمئن
مدونتك بسيطة و مميزة
لك كل الحب
SaRa
روحى الفيلم بس و أن شاء الله نزورك فى الانعاش بس أنتى بس خدى اللاب توب معاكى
كلبوزتى السمباتيك
بكل فخر و سعادة و أحترام
أطلعلك لسانى و أغيظك و أقولك أحنا عندنا سينمات فى كل حتة
gayofsun
أهلاً ياعم يابتاع الشمس و الحر أنت
متشكرين على الزيارة
بلاش حكاية الحب أنت عارف الواحد اليومين دول ممكن يتهم بأتهامات باطلة بسبب الكلام
خالف توقعات الكل!!!!
شكلة فعلأحلو
مع ان دنيال كريج
باين علية دمةثقيل
لكن ان هأخد كلأمك ثقة
Daniel Craig is an excellent actor but he doesnt fit Bond.
Casino Royale is a very good film but isnt void of fantasies you dont like. The car morphing into a mini submarine is possible but the chase in the begining of the film where bond chases that bomb maker in Mauritius is simply impossible! The odds im sure of what happened at the poker table are also out of this world. Pierce Brosnan was the best Bond but he came a bit late in life.
انا شوفت الفيلم هو فيلم جميل والفكرة عند جميس محاربة الارهاب عن طريق لعبة القمار عشان يخسر اموالة ولايسنطيع الصرف على العمليات
كمان عجبنى دور وتمثيل المثلة الانجليزية ايفا جرين
والفيلم فية رغم القتل والدماء الى حد ما فية جو من الرومانسية
اشكرك احمد على البوست
تحياتى
tamer
Eva Green is not an english actress, unfortunately. She is french, her father is swedish & her mother is a french actress & was raised & started her career In france.
Sabrina
عاجبنى رأيك جداً لأنه بيماثل رأيى الشخصى
متشكرين على المرور الكريم
JokerMan
تقدر تقول أنى موافق على حكاية أن لعبة البوكر كانت خيالية قوى و يخيل لى أنه لا يوجد محترفين لتلك الدرجة
بس شفت لما ترك فيش بمليون للواد بتاع توزيع الورق كنت هاموت من الانهيار العصبى حد يسيب بقشيش مليون
حــــــــاول تفتكرنى
يالهوى
يالهوى
يالهوى
الكيت كات
فـــــــــــــاتك كتييييييييير
على العموم حاول تدخل الفيلم
هايعجبك
Tamer
تامر أزيك حلوة قوى أفكارك الثقافية و الحرة و المرعبة
عجبتنى المرعبة قوى
على فكرة البيت اللى أنت كاتب عنه فى أسكندرية أنا قاعد فى سيبر دلوقتى قريب منه قوى و ده للأسف بسبب عطل خط النت فى البيت
هو أنت من أسكندرية و لا أيه؟
على فكرة الممثلة فرنسية مش أنجليزية
بس حلوة عجبانى
JokerMan
شاطر على التصحيح و فعلاً أنا شفتلها أفلام فرنساوى
Post a Comment