حاجات كتيرررررر

طبعاً رجعت شرم بقالى أسبوعين بس للأسف لم أستطع التدوين خلال تلك الفترة

بالعكس أكاد اعود مرة أخرى للأسكندرية

سريعاً و الحمد لله هذه المرة



أخر الكتب التى قرأتها كان قصة تكملها انت من دار نشر ليلى و دايموند بوك

و من تأليف دكتور أحمد خالد توفيق و مؤلفين آخرين

عجبتنى فكرة الرواية قوى اللى يبدأها كاتب و يكمل الفصل اللى بعده كاتب تانى و هكذا بالرغم من انها بتجعل الرواية ضعيفة جداً كما قال فى المقدمة دكتور خالد



بسبب مهمة خاصة بالعمل دخلت الى كل غرف المنتجع خلال هذا الاسبوع حتى الغرف الموجود بها نزلاء سواء بوجودهم أو غير و لكن طبعاً هذا لتعديل بعض المكونات فى الغرف

و قد لفت انتبهاى كمية الكتب الموجودة فى غرف الاوروبيون عموماً بعكس الغرف العربية بالطبع

و بدون تعليق

و أكثر الكتب التى وجدتها كانت سلسلة هارى بوتر

Harry Potter

بأختلاف أجزاءه بالطبع

و طبعاً دان براون

Dan Brown

Angeli E Demoni

اللى هى ملائكة و شياطين بالأيطالى

و طبعاً

Deception Point , Da Vinci Code



على العموم كان فى عناوين روايات و كتب لفتت انتباهى ممكن علشان سمعت عنها او لعناوينها

اللى يعرفها يقولى عليها

The Last Testament (Sam Bourne)

Intimate Strangers

Change Your Life In 7 Days (Paul McKenna)





أما أحدث الكتب اللى أقتنيتها باللغة الانجليزية بس لسه ماقرأتهاش

The Brethren (John Grisham)

مؤلف مشهور و غالباً أنتوا شفتوا فيلم أو اتنين مقتبس من روايات له



على العموم مستنى رأيكم

و كلكم واحشنى يا جدعان

و أحلى سلام للأسكندرانية فى جميع انحاء العالم