الى شرم الشيخ

أتجه اليوم لشرم الشيخ
ليس كسياحة داخلية
و لكن كعمل
فى احد المنتجعات السياحية الكبرى
تمنوا لي التوفيق
و دعواتكم

*********************
أنتظرونى قريباً

SpiderMan3

أحدث فيلم شاهدته فى السينما

طبعاً لا أخفى حبى لأفلام الكوميكس

أو أفلام القصص المصورة و يرجع هذا بالطبع لتشبعى بالكثير منها فى طفولتى

دائماً هناك البطل الخارق الذى ينقذ المدينة من الشرير

أحببت الفيلم هذه المرة فعلاً

الفيلم ملئ بالأحداث و التطورات فى حياة بيتر باركر الشخصية

و حياة الشخصية العنكبوتية أيضاً

فنجد الرجل العنكبوت و قد تحول الى شرير بشكل ما

الفيلم ملئ أيضاً بالأشرار

هناك رجل الرمال و خيال العنكبوت و هارى صديقه العزيز

بالطبع لن أحرق أحداث الفيلم و لكن الفيلم يتسارع بالأحداث و المواقف و المعارك الضارية بالطبع

و لأول مرة أشعر أن فيلم فى سلسلة هزلية يكون طويل لهذا الحد

ليس طويلاً للغاية و لكنه أطول من الأفلام المعتادة

أو رمبا أنا شعرت بهذا من كثرة الاحداث

الفيلم مدته ساعتان و عشرون دقيقة

و قد حقق حتى الان 148مليون دولار فى الولايات المتحدة فقط

لمزيد من المعلومات عن الفيلم راجع موقع الفيلم الرسمى

SpiderMan3

تاج و داير على الكل

الله يكرمها رجعتلنا رجوع رائع و كله خيرات

و التاج ده جايلنا على الهواء مباشرة من الانسة وينكى المحبوبة من الجميع

عاشقة الشيكولاتة



***************************************



هل كنت طالب شاطر فى المدرسة ؟
بصراحة فى الابتدائى و الاعدادى بس لكن الثانوى بقى ماليش ذنب فيها

أنا كنت ولد زى كل الولاد فى مرحلة مراهقة يعنى أعمل أيه ألتفت لمذاكرتى و لا لهرموناتى اللى بتقطعنى من جوه و لا لمتشات الكورة اللى مابحبهاش و لا لمعاكسة البنات

بس كنت الاول فى الابتدائى و بعد كده أنهرت فى المراحل التالية

أما الجامعة و بالرغم من أنكم ما مسألتوش عنها فأنا و الحمد لله أتفصلت من كليتى الاولى بعد سنتين لفشلى للأسف و رحت كليتى التانية اللى خلصتها بتفوق جيد جداً

و كفاية فضايح الله يتر علينا و عليكم


***
أحب مادة , أكره مادة ؟
الانجليزى و الرسم طبعاً

لأنى كنت متفوق فى الانجليزى و مازلت و الحمدلله حتى الان

انا فى الأبتدائى كنت بقرأ روايات بالأنجليزى

أه روايات بسيطة بس كنت أحسن من غيرى كتير

أما الرسم فده كان عشقى بموت فيه جداً

و دايماًكنت متفوق فيه و مشارك فى جماعة الرسم و الصحافة



أما المادة اللى بكرها فكانت الرياضيات و الفيزياء

الله يخرب بيوتهم

بكرهم

بكرهم

بكرهم


***
كنت عايز تطلع ايه وانت صغير ؟

فى الطفولة كان نفسى أكون عالم فلك و لما درست فيزياء و كرهتها

و كنت بحب الرسم و التصاميم

بقى نفسى أكون مهندس ديكور

بس للأسف مجموعى ماجبش فى الثانوية العامة فنون جميلة بالرغم من أنى نجحت فى القدرات





نستنتج من ذلك فشل نظام التعليم فى مصر


***
أمرر التاج إلى
لكل واحد وواحدة سواء بيقرأ و لا يعلق

أو بيعلق بس

أو ليه لينك عندى

أو ليا لينك عنده

أو حتى فتح المدونة هنا بالصدفة

لن تنتهى يا حاجة صغنونة

بالرغم من أنها بتوصف نفسها دايماً بحاجة صغنونة
لكنها أصبحت حاجة كبيرة قوى فى حياة مدونين كتير بتلقائيتها و كلامها الجميل
و صداقتها البريئة بلا أى مصالح و أنتفاع

لن تنتهى وينكى أبداً

نحن فى أنتظارك

I HAVE A VIRUS

i'm so sorry for all my readers
all my friends
i have a VIRUSE on my computer
& i'm gonna formate my hard disc
soon
thanks
bye

ضـــوء القمــــر

من مدونة ضوء القمر

اسطورة الحب والجنون
فى قديم الزمان

حيث لم يكن على الارض بشر بعد

كانت الفضائل والرذائل تطوف العالم معاوتشعر بالملل الشديد

ذات يوم .... وكحل لمشكلة الملل المستعصيه

اقترح الابداع لعبة اسماها الاستغمايه

احب الجميع الفكرة

وصرخ الجنون : اريد ان ابدأ .. اريد ان ابدأ

انا من سيغمض عينيه ويبدأ العد

وانتم عليكم مباشرة الاختفا

ثم انه اتكأ بمرفقيه على شجرة وبدأواحد .. اثنين .. ثلاثة

وبدات الفضائل والرزائل بالاختباء
وجدت الرقة مكانا لنفسها فوق القمر

واخفت الخيانة نفسها فى كومة زباله

ودلف الولع بين الغيوم

ومضى الشوق الى باطن الارض

الكذب قال بصوت عال : سأخفى نفسى تحت الحجارة

ثم اتجه لقاع البحيرة

واستمر الجنون فى العدتسعة وسبعون .. ثمانون .. واحد وثمانون

خلال ذلك اتمت كل الفضائل والرزائل تخفيهاماعدا الحب

كعادته لم يكن صاحب قراروبالتالى لم يقرر اين يختفى

وهذا غير مفاجئ لاحد .. فنحن نعلم كم هو صعب اخفاء الحب

تابع الجنون : تسعة وثمانون ............ سبعة وتسعون

وعندما وصل الجنون فى تعداده الى المائه

قفز الحب وسط أجمة من الورد واختفى داخلها

فتح الجنون عينيه .. وبدأ فى البحث صائحا : انا ات اليكم .. انا ات اليكم

كان الكسل اول من انكشف .. لانه لم يبذل جهدا فى الاختفاء

ثم ظهرت الرقة المختفيه فى القمروبعدها .. خرج الكذب من قاع البحيرة مقطوع الانفاس

وأشار على الشوق ان يرجع من باطن الارض

وجدهم الجنون جميعا .. واحدا بعد الاخرماعدا الحب

كاد يصاب بالاحباط واليأس فى بحثه عن الحب

حين اقترب منه الحسد وهمس فى اذنه

الحب مختفى فى شجرة الورد

التقط الجنون شوكة خشبية اشبه بالرمح

وبدأ فى طعن شجرة الورد بشكل طائش

ولم يتوقف الا عندما سمع صوت بكاء يمزق القلوب

ظهر الحب وهو يحجب عينيه بيده

صاح الجنون نادما : يا إلهى ماذا فعلت؟ماذا افعل لكى اصلح غلطتى بعد ان افقدتك بصرك !!!

اجابه الحب : لن تستطيع اعادة النظر لى

لكن لازال هناك ما تستطيع فعله لأجلى

كن دليلى

وهذا ما حدث من يومهايمضى الحب الاعمى ....... يقوده الجنون

:::::::::::::::::::::::::::::::::::::::::::::::::::

حقوق النسخ محفوظة لمدونة

ضوء القمر

أنتظــارWaitting

أنتظر قطرة جديدة فى مستنقع حياتى الراكد

لتغير مجراه قليلاً

MaMa

March , 21st , 2007


ma mère

meine Mutter

la mia madre

minha mãe

моя мать

mi madre

أمــــــــــــى



كل يوم هو عيدك





:::::::::::::::::::::::::::::::::::::::::::::::::::::::



لكل أم

فى كل مكان

و فى كل وقت

و ألى الأبد

كلام كتير

تحية و مباركة

للأستاذ أشرف حمدى

صاحب مدونتى

ماتريكس المصرية

و

كاريكاطوز

أولاً على أفتتاح مدونة ماتريكس المصرية

و ثانياً على عقد قرانه و زواجه

و ثالثاً على الجائزة الكورية التى تسلمها مؤخراً





موقع مدونة جوكر مان مغلق

لماذا؟

من يستطيع الوصول الى جوكر مان نفسه ؟

أين أنت يا جوكر

مشغــول

الفترة اللى جاية لأن أستطيع التدوين بسهولة

لأنى أرتبطت بعمل

لذا سامحونى لو أتأخرت فى الرد أو التعليق أو التدوين

بس أنا سعيد بأنى بدأت أعمل فعلاً

بالرغم من أنى غالباً هاطلع على المدونات يومياً

لكن التحذير ده خوفاً من تأخيرى لأى سبب

تحياتى لكل أصحابى

أمثال قرأتها و عجبانى

Nobody listens until you say something wrong

لن يصغي إليك أحدا حتى تقول شيئا خاطئا

To succeed in politics, it is often necessary to rise above your principles

كي تنجح في السياسة .. فمن الضروري أن تدوس فوق مبادئك

If you think education is expensive -- try ignorance

اذا كنت تعتقد ان التعليم ثمنه باهض ... جرب الجهل

When the lights are out, all women are beautiful

عندما ينطفيء النور .. كل النساء جميلات

Nothing is so bad....!!- because it will go even worse

لا يوجد سئ للغاية ......لأنها ستسؤ أكثر

2007

بعيدا عن الاحداث الجارية
أنا متفائل بالسنة الجديدة
هو صحيح أنا لا أحب موضوع التفاؤل و التشاؤم لكن لا مانع من بعض التفاؤل و الامل بعض الشئ
عموماً أنا بحب
2007
لأنها تحمل رقمى المفضل الرقم
7
أحببت سبعة بعدما قرأت ما كتب عنه
الرقم المقدس
فالله قد خلق الدنيا فى سبعة أيام
و السموات سبع
و الاراضى سبع
عند اليهود يوجد الشمعدان السباعى الشهير
و الطبقة السابعة من شجرة الحياة هى القوة
و فى المسيحية على ما أتذكر يوجد ما يسمى بالأسرار السبعة
سيدنا يوسف عليه السلام تنبأ بالسبع سنوات العجاف التى تلى سبع سنوات أخرى من الرخاء
العلاج الطبى الرسمى 21يوماً مما يعنى ثلاث سبعات
الاسبوع سبعة أيام
فقرات الثدييات العنقية و منها البشر بالطبع سبعة فقرات
قوس قزح سبعة ألوان واضحة
نحتفل بسبوع المولود فى يومه السابع
حتى عجائب الدنيا أرتبطت للأبد بالرقم سبعة
و حتى عندما قرروا أن يغيروها لعجائب أحدث قرروا أن تكون نتيجة التصويت على العجائب المرشحة للعالم فى يوم سبعة من شهر سبعة يوليو فى عامنا الحالى
2007
***************************************************
ملحوظة : يمكنك التصويت من خلال الموقع المذكور على أهم سبع أثار ترى أنها تستحق أن تكون من عجائب الدنيا السبع

عيد سعيد Merry Christmas

عيد سعيد عليكم جميعاً

و يارب كلكم تاكلوا لحمة أن شاء الله

HaPpY EiD

و كل عام و انت بخير بمناسبة السنة الجديدة اللى أنا متفائل بيها شخصياً لأنها فيها رقم سبعة رقمى المفضل

2007

و لكل العالم

ميلاد مجيد

Vrolijke Kerstmis بالهولندية
Joyeux Noël بالفرنسية
Frohe Weihnachten بالألمانية
Καλά Χριστούγεννα باليونانية
Natale allegro بالأيطالية
Christmas Alegre بالبرتغالية
Веселое Рождество بالروسية
Feliz Navidad بالأسبانية
Merry Christmas بالأنجليزية
بالعربى كده
كل سنة و أنتم طيبين

....

Action Note Blanche

يــــوم التّـــدوينة البيضـــــــــاء

Action Blank Post

(أضراب المدونين التونيسيين و العرب)

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

لحن جديـــد

بحاول أعمل لحن جديد لحياتى

مش هاغير أصحابى

بس هانتقيهم

هاشوف مين ممكن يفضل صديقى

و مين هايكون صاحب و بس

هاتعلم من النهاردة أن شاء الله أول دروسى فى القيادة

قيادة السيارات طبعاً

فكرت أشترى كام كتاب جديد

و رواية أو أتنين

هاخد بالى من كورس الفرنساوى كويس علشان أبقى كويس فى اللغة

هاروح جيم علشان أكبر جسمى شوية

يعنى محتاج حوالى سبعة كيلو أزودهم على جسمى

مش عارف

بعتبرها محاولة للتغير و الخروج من الاكتئاب

أكتئاب

شعور رائع من الاكتئاب و الأحباط و الضياع

أعيشها هذه الايام

لا أعرف سبب

و لكنى أضيف أليها الملل

يــــــــــا للملل

الجندية شرف2

مر يوم تسعة و عشروين من الشهر بسلام

بعد وصولى لمنطقة التجنيد فى العاشرة صباحاً

و أضطرارى للوقوف حتى الساعة الثالثة ظهراً

فى الشمس و الرمال بدون أى مصدر للمياه

سواء كانت للشرب أو أى أستخدام أخر

ليدعونا ندخل لنسمع التخصصات المطلوبة للتجنيد يليها تواريخ الميلاد

لأجد و الحمد لله أننى قد

تأجلت ثلاث سنوات

طبعاً فرحت للغاية و نسيت عطشى و تعبى من الهروب من الشمس طوال النهار

لأجدهم يخبرونا على يوم أخر يجب الحضور فيه لأخذ أوراق التأجيل

بعدها بأيام معدودة و فعلاً ذهبت

بالرغم من أن المكان يبعد عن المدينة أكثر من خمسة و ثلاثون كيلومتر

و بالطبع ذهبت لأخذ ورقة تماثل تذكرة القطار و لأكتشف أن على الحضور مرة أخرى الاسبوع التالى

يليها بشهر أستلام الشهادة الرسمية

بعيداً عن الروتين و كل هذا

ألا أنى فرح للغاية بتأجيلى حتى الان

أنا بس حبيت أطمنكم

ملحوظة

ألى صديقتى

I Hope for Happiness

لا أجدك و لا أستطيع أيجاد مدونتك

بل أجد موقع أخر يحمل فيروس التروجان الشهير

أين أنتى؟؟

تحية وبعد

للصديق الجديد

Tamer

و مدوناته الجميلة اللى أكتشفتها جديد

أو ربما أسميها أفكاره الجديدة

أفكار حرة

أفكار مرعبة

أفكار الثقافة و الادب

السيمــا

يوم الثلاثاء اللى فات أنا رحت السيما مع أصحابى المفضلين

طبعاً بما أن الأفلام العربى فاشلة فدخلنا فيلم أجنبى و كان هو العميل السرى جيمس بوند

007

Casino Royale

الفيلم حلو بجد حلو و عجبنى أوى بالرغم أنى مابحبش الاكشن كتير بس الفيلم عجبنى الدماغ اللى فيه و الخدعة اللى مستمرة حتى نهاية الفيلم

بصراحة أنا مابحبش أفلام الاخ جيمس بوند كلها من أول شين كونرى و حتى بيرس بروسنان

لكن المرة دى مختلفة

أولاً مافيش العربية اللى بتتحول غواصة و طيارة و بتختفى و الكلام الفاضى ده هى عربية شديدة بس واقعية مش كل الفنتازيا اللى متعودينها فى نوع أفلام جيمس بوند

ثانياً العدو المرة دى راجل أعمال غير شريف بس و حريف بوكر بس و لا فى راجل بياكل الحديد و لا اللى عاوز يسيطر على العالم و الكلام الفارغ ده

ثالثاً الواد أتبهدل فى الفيلم أول مرة أشوف كرامته بتتمرمط أوى كده جيمس بوند كان دايماً أو غالباً بالبدلة و الكرافت و أخر حلاوة كأنه رايح سهرة مش مهمة مخابراتية

حبيت طريقة تمثيله أوى دانيل كريج اللى عمل الدور و يستحق فعلاً يعمل فيلم بوند القادم

Daniel Craig

على ضمانتى روحوا الفيلم لو غاويين الافلام دى بجد حلو

الجندية شرف

مذكراتى فى منطقة التجنيد

كنت هناك فى الثامنة مساءاً لأجد العديد من الشباب و الذين قد يصلون الى ألف شاب

أنتظرت دفعى لكوبونات تصوير الاوراق

فيجب علينا دفع مبلغ ما لأخذ كوبونات لتصوير أوراقنا بالرغم من أنى قد صورتها مسبقاً ألا أنه يجب على الدفع حتى أخذ البطاقة الوردية المجانية و التى تضاف مع أوراقى التى أسلمها

و بعد أن عرفت الترتيب الصحيح لأوراقى

بدأت فى محاولة تسليمها من الساعة الثامنة و حتى الساعة العاشرة عندما سلمتها

لأجلس بلا عمل حتى الساعة الثالثة و النصف بعد الظهر منتظراً النداء لأدخل للكشف الطبى و الهيئة و ما ألى ذلك

بعيداً عن المبالغات عامة ضباط الجيش محترمين و تعاملهم محترم للغاية و لكنه صارم جداً و لا يقبل النقاش

السئ فى تعامل المجندين الاخرين من المدن الاخرى و الذين يتعاملون معنا كأننا حثالة

بعضهم محترم و بعضهم لا

و لأن منطقة الكشف بعيدة عن العمران السكنى و تكاد تكون فى الصحراء

فهى منطقة مثلجة الهواء

و كان على البقاء عارياً ألا من شورت قصير لمدة نصف ساعة

حتى تجمدت أطرافى و أنا أقف على أرض سيراميكية و خلف شبابيك قاعة الكشف المفتوحة على مصراعيها

على العموم بعد دخولى بساعتين

أى الساعة الخامسة و النصف أستلمت بطاقة ترشيحى كجندى أو عسكرى كما يقال

الحمد لله

و تحياتى للجندية

و تحياتى ألى

مصر

أنارايح على الجيش

لكل اللى بيسألوا أنا كنت فين غايب

بشكرهم

و ببعتلهم التحية

و بطمنهم أنى مشغول فى تحضير ورق الجيش

أدعوا لى